मंसिर २१ काठमाडौं ।
आज एनपिएलमा कर्णालीले चितवन र पोखराले लुम्बिनीसँग खेल्ने भएको छ।
सिद्धार्थ बैंक नेपाल प्रिमियर लिगमा आज पनि दुई खेल हुँने भएको हो। पहिलो खेलमा कर्णाली याक्स र चितवन राइनोज् भिड्नेछन्। दोस्रो खेलमा लुम्बिनी लायन्स र पोखरा एभेन्सजर्स खेल्नेछन्।
कीर्तिपुरस्थित त्रिवि मैदानमा कर्णाली र चितवनबीचको खेल बिहान ९ बजे र लुम्बिनी र पोखराबीचको खेल दिउँसो सवा १ बजे हुनेछ।
याक्स पहिलो खेलमा जनपुर बोल्ट्स र दोस्रो खेलमा काठमाडौं गुर्खाजसँग पराजित भएको थियो। कर्णाली याक्सले अहिलेसम्म दुई खेल खेलिसके पनि जितविहीन छ।
पोखरा एभेन्जर्सले पनि यसअघि खेलेका दुवै खेलमा पराजय ब्यहोरेका छन्। पहिलो खेल चितवन राइनोजसँग र दोस्रो खेल जनकपुरसँग पोखरा पराजित भएको थियो।
