जेठ २२ काठमाडौं ।
भारतीय जनता पार्टी (बीजेपी)को तर्फबाट उम्मेदवार बनेकी बलिउड अभिनेत्री कंगना रनौतले लोकसभाको निर्वाचन जितेकी छन्। उनी हिमाचल राज्यको मण्डी निर्वाचन क्षेत्रबाट विजयी भएको भारतीय संचारमाध्यमले जनाएका छन्।
मिडिया कुराकानीमा उनले आफ्नो जित प्रधानमन्त्री नरेन्द्र मोदीप्रतिको विश्वासको रुपमा रहेको बताएकी छन्। उनले कांग्रेसका उम्मेदवार विक्रमादित्यलाई ७० हजारभन्दा बढी मतान्तरले हराएको जनाइएको छ।
कंगनाले सन् २०२० मा प्रोडक्सन हाउस मणिकर्णिका फिल्म्स पनि सुरु गरिन्। उनले पद्मश्री, ४ राष्ट्रिय अवार्ड र ५ फिल्मफेयर अवार्ड पाएकी छन् । उनले ४२ जति फिल्ममा काम गरेकी छन्। कंगनाले पहिलो पटक चुनाव लडेकी हुन्।
