चैत २२ काठमाडौं ।
चितवन राष्ट्रिय निकुञ्जमा अन्दाजी ३२ वर्षको भाले गैंडा मृत फेला परेको छ ।
चितवन राष्ट्रिय निकुञ्जमा चैत ३ गते निकुञ्जको कोर क्षेत्र कसरा बाट माडीको बगई सेक्टरमा जाने बाटो नजिकै गौडा मृत फेला परेको छ । गैडा मृत भएको सुचना ढिलो मात्रै जानकारी पाएको निकुञ्जका सूचना अधिकारीले जानकारी दिए ।
निकुञ्जले दिएको जानकारी अनुसार चालु आर्थिक वर्षमा मात्रै १९ वटा गैंडा मृत भेटिएका छन् । तीमध्ये १५ वटा प्राकृतिक कारण (बुढो भएर, बाघको आक्रमण र रोग लागेर), चोरी सिकारी बाट तीन र कारण नखुलेको एक गैंडाको मृत्यु भएको छ ।
निकुञ्जमा चालु वर्षको चैत २१ गतेसम्म ३ वटा बाघ, ५ वटा हात्ती, मगर गोही २ र घडियाल गोही १ वटाको मृत्यु भएको छ ।यो वर्ष जम्मा ५८ वटा विभिन्न वन्यजन्तुको मृत्यु भएको छ भने १६३ वटा वन्यजन्तुको उद्धार गरिएको निकुञ्जकाले जानकारी दिए ।
