सिन्धुपाल्चोक –बाह्रबिसे नगरपालिका–८ मानेश्वाँराको स्थानीय लामा टोलमा ग्याँस पड्केर आगलागी हुँदा जलेर तीन बालबालिकाको मृत्यु भएको छ । लामाटोलका स्थानीय मिनबहादुर तामाङको घरमा खाना पकाउने क्रममा ग्याँस पड्किएको हो ।
घरमा खाना पकाउने क्रममा ग्याँस पड्किदा तामाङ्गको १० बर्षका छोरा इशाक तामाङ, भाइ कुमार तामाङको ६ वर्षको छोरा सरगम तामाङ र छिमेकी पदम तामाङ को साढे २ वर्षकी छोरी दिव्या तामाङको जलेर मृत्यु भएको छ भने घर धनि मिनबहादुर तामाङ्ग घाइते भएकाले उनलाई उपचारको लागि अस्पताल लगिएको वडाध्यक्ष सुरज लामाले जानकारी दिए ।
प्रहरी र स्थानीयले आगो निभाउने प्रयास गरिरहेका छन् ।
